РепортерКа – „Батали“ листа

Текстот на Томас за Хафингтон Пост ме поттикна да размислам дали можеби е во право. Се трудиме да направиме Новогодишни резолуции, роденденски листи и слични други листи на кои ги набројуваме работите кои сакаме да ги направиме за да ни биде подобро и се разочаруваме кога нема да ги реализираме. Можеби е полесно да се обидеме да направиме листа на работи кои ќе ги „оде*еме“, „баталиме“ или „да престанеме да ги правиме“ за да си го разубавиме животот.
„Да се потсетите себеси дека ќе умрете е најдобар начин што го знам за да се избегне стапицата на размислувањето дека имате што да изгубите. Веќе сте голи. Нема причина да не го следите своето срце.” – Стив Џобс
Ова мало потсетување од Стив Џобс ме тера да мислам дека е време да ги отфрлам сите работи кои ме кочат и да почнам да ги правам оние кои ме прават среќна. Но за да си направам време за работите кои ме исполнуваат решив прво да ја направам мојата „батали“ листа:

пцуење како кочијаш
угодување на сите што ги знам
дружба со негативни луѓе или луѓе што ме исцрпуваат
пушење
ригорозни диети
откажување од идеа само заради негативен коментар од некој
правење се сама
искачање на места во кои не ми се оди
ставање на секоја слика и настан на социјални мрежи
пребрзо или прелесно откажување од некој план
ставање на моите желби и соништа во втор план
претпоставување што некој мисли, наместо да го/ја прашам
садење цвеќиња
излежавање пред телевизор
преќутување заради различни причини
премногу анализирање, наместо носење одлуки
слушање луѓе кои ме обесхрабруваат, а за кои не сум сигурна дека се добронамерни
прескокнување летен одмор
правење работи што не ги сакам, заради други
избегнување љубовни авантури
осмислување на секој миг
нервирање заради други
седење дома на сончев ден